తెలుగు వ్యాకరణం - సంధులు - రుగాగమ సంధి - 10th class

తెలుగు వ్యాకరణం - సంధులు - రుగాగమ సంధి - 10th class

సూత్రము : "పేదాది" (పేర్వాది) శబ్దములకు "ఆలు" శబ్దం పరమైనపుడు రుగాగమంబగు. 

పేదాది (లేదా) పేర్వాది శబ్దములు: పేద, బీద, ముద్ద, బాలెంత, కొమ, జవ, మనుమ, గొడ్డ, అయిదువ, ముగ్ధ 

ఆగమము: మిత్రాగమము 

2) కర్మధారయములో తత్సమ శబ్దాలకు "ఆలు" శబ్దం పరమైనపుడు పూర్వపదం చివర ఉన్న అత్వానికి ఉత్వమును రుగాగమంబగు. 

కర్మధారయము అనగా: విశేషణ విశేష్యాలతో కూడినది కర్మధారయం(సమానాధికరణము)

తత్సమ శబ్దాలు: సంస్కృత పదాలు: ధీర, గుణవంత, విద్యావంత, ధైర్యవంత, శ్రీమంత, బుద్ధిమంత 

సూత్రము 1. ఉదాహరణలు: (ద్ +అ +ర్ +ఆ)

పేద + ఆలు = పేదరాలు 

బీద + ఆలు = బీదరాలు 

ముద్ద + + ఆలు =  ముద్దరాలు 

బాలెంత + ఆలు = బాలెంతరాలు 

కొమ + ఆలు = కొమరాలు 

మనుమ + ఆలు = మనుమరాలు 

గొడ్డ + ఆలు = గొడ్రాలు, గొడ్డరాలు 

అయిదువు + ఆలు = అయిదవరాలు 

ముగ్ధ + ఆలు = ముగ్ధరాలు 

సూత్రము 2. ఉదాహరణలు: (త్  +అ +ర్ +ఆలు)

శ్రీమంత + ఆలు = శ్రీమంతురాలు 

ధీర + ఆలు = = ధీరురాలు 

గుణవంత + ఆలు = గుణవంతురాలు 

విద్యావంత + ఆలు = విద్యావంతురాలు 

ధైర్యవంత + ఆలు = ధైర్యవంతురాలు 

బుద్ధిమంత + ఆలు = బుద్ధిమంతురాలు 

పుణ్యాత్మ + ఆలు = పుణ్యాత్మురాలు 

పాపాత్మ + ఆలు = పాపాత్మురాలు