తెలుగు వ్యాకరణం - సంధులు - ఆమ్రేడిత సంధి
సంధి పరిచ్ఛేదము :
సంధి: పూర్వ పర స్వరములకు పరస్పరం ఏకాదేశమగుటను సంధి అంటారు.
1. ఆమ్రేడిత సంధి: అచ్చునకు ఆమ్రేడితం పరమైనపుడు సంధి తరచుగా అగును.
ఆదేశాలు రెండు(2) రకములు
1) ఆదేశము 2) ఏకాదేశము
1)ఆదేశము: ఆదేశము అనగా ఒక వర్ణము యొక్క స్థానములో ఒకే వర్ణము శత్రువు వలె వచ్చిచేరుట (శతృవాదేశము) ఉదా: వాడు + కొట్టెను = వాడుగొట్టెను
2) ఏకాదేశము: ఏకాదేశము అనగా రెండు వర్ణముల యొక్క స్థానములో ఒకే వర్ణము శత్రువు వలె వచ్చిచేరుట. ఉదా: ఉప + ఇంద్రుడు = ఉపేంద్రుడు
ఆమ్రేడిత సంధి సూత్రం ఉదాహరణలు:
ఔర + ఔర = ఔరౌర
ఆహా + ఆహా = ఆహాహా
తరచుగా అనడం వలన ఒక్కొక్కసారి వికల్పముగా వస్తుంది.
ఏమి + ఏమి = ఏమేమి, ఏమియేమి వికల్పం (లేదా)వైకల్పికం
ఓహోహో = ఓహో + ఓహో
అప్పుడప్పుడు = అప్పుడు + అప్పుడు
ఎట్లు + ఎట్లు = ఎట్టెట్లు (వైకల్పికం)
ఏమిటి + ఏమిటి = ఏమిటేమిటి
అరె + అరె = అరెరె
ఎంత + ఎంత = ఎంతెంత (వైకల్పికం)
ఆమ్రేడితం అనగా :- ఒక పదం రెండు సార్లు వచ్చినప్పుడు (పూర్వ+పర) రెండవసారి వచ్చిన పదమును ఆమ్రేడితం అంటారు. దీనినే పదము యొక్క "పరరూపం" అని కూడా అంటారు.
వికల్పం (లేదా)వైకల్పికం :- "విశేషణ కల్ప్యతే - ఇతి వైకల్పికం" అంటే అర్థం సామాన్య రూపము గాక కల్పింపబడిన (సాధింపబడిన) మరియొక రూపము కలది. (సంధి జరిగే రూపం, జరగని రూపం)
విభాషా : "విశేషణ రూపేణ భాష్యతే - ఇతి విభాషా" అంటే అర్థం సామాన్య రూపముతో పాటు. మరియొక విశేష రూపంతో పలుకబడినది.
ఉదాహరణ: పూచెనుగలువలు ----->సామాన్య రూపం
పూచేగలువలు, పూచెంగలువలు ------> విశేష రూపం
సూత్రం 2: ఆమ్రేడితం పరమైనపుడు "కడాదుల" తొలియచ్చు, మీది వర్ణాల కెల్ల అదంతమైన ద్విరుక్తటకారం వస్తుంది.
కడాదులు అనగా కడ, ఎదురు, కొన, చివర, తుద, తెన్ను, తెరువు, నడుమ, పగలు, పిడుగు, బయలు, మొదలు మొదలగునవి.
ఉదా: పగలు + పగలు = పట్టపగలు
కడ + కడ = కట్టకడ
ఎదురు + ఎదురు = ఎదురెదురు
తెన్ను + తెన్ను, పిడుగు + పిడుగు, కొన + కొన, తెరువు + తెరువు, బయలు + బయలు, చివర + చివర, నడుమ + నడుమ, మొదలు + మొదలు, తుద + తుద, పగలు + పగలు, మొదట + మొదట
సూత్రం 3: "అందందుకు" ప్రభృతులు యథా ప్రయోగంబు గ్రాహ్యంబు
ఉదా: అందుకు + అదుకు
చ్చెర + చ్చెర
చెదురు + చెదురు = చెల్లాచెదురు
విడి + విడి = విచ్చలవిడి
సూత్రం 4: ఆమ్రేడితం పరమగునపుడు "ఇంచుక" నాడు ఇత్యాదులందు అంత్యమాక్షర లోపంబగు
ఇంచుక + ఇంచుక = ఇంచించుక
నాడు + నాడు = నానాడు
దాపు + దాపు = దాదాపు
0 comments:
Post a Comment