భాస్కర శతకము పద్యాలు - కారణమైన కర్మములు కాక దిగంబడ వెన్ని గొందులం
కారణమైన కర్మములు కాక దిగంబడ వెన్ని గొందులం
దూరిన నెంతవారలకుఁ దొల్లి పరీక్షితు శాపభీతుఁడై
వారధి నొప్పునుప్పరిగపై బదిలంబుగ దాఁగి యుండినం
గ్రూర భుజంగదంతహతిఁ గూలఁడె లోకులెఱుంగ భాస్కరా !
తాత్పర్యం: పూర్వము పరీక్షిత్తు అనే మహారాజు వేటకు వెళ్లి, ఆ అడవిలో వేటాడి అలసిపోయి, దప్పికగొని ఒక మునిని దాహానికి నీళ్లు ఇమ్మని అడిగెను. తపస్సున నేకాగ్రుఁ డైన యా మునియు నీతని విచారింపఁడయ్యెను. అందులకుఁగోపించి
యారాజాముని మెడలో నొక చచ్చిన పామును వైచెను. అది చూచి మునిపుత్రుఁ డు మా తండ్రి మెడలో పామును వైచినవాఁడేడు రోజులలో పాము గఱచి చచ్చుగాకని తిట్టెను. పరీక్షిన్మహారాజు మునిశాపముచే తనకు కీడుకల్గునని తలంచి సముద్రమందు మేడను నిర్మంపజేసి అందు దాగియుండినను, విధి విధానము యెవ్వరికిని నతిక్రమింప వీలుకాని దగుటచే నతడు తుదకు పాముకాటుచే మరణించెను. ఎంత గొప్ప వాడైనను దైవ విధానమునకు ప్రతి విధానముచేసి ఆ యాపదలను తొలగించుకొందమన్నను, నవి యసాధ్యములుగాక, సాధ్యములగునా ?
0 comments:
Post a Comment