వృక్షాగ్రవాసీ - చమత్కారపద్యం - అర్థం
వృక్షాగ్రవాసీ న చపక్షిరాజః
చర్మాంబరధారీ నచసోమయాజిః
త్రినేత్రధారీ నచశూలపాణిః
జలంధరిత్రి ర్నఘటోన మేఘః
అర్థం: చెట్టు మీద ఉంటుంది కాని పక్షి కాదు. చర్మాన్ని ధరిస్తుంది కాని సోమయాజి కాదు. మూడు కన్నులుంటాయి కాని శివుడు కాదు. నీటిని ధరించి ఉంటుంది కాని మేఘం కాదు, కుండా కాదు. అది ఏమి? జవాబు: కొబ్బరికాయ
వండిన దెండిన దొక్కటి - చమత్కార పద్యం
వండిన దెండిన దొక్కటి
ఖండించిన పచ్చిదొక్కటి కాలినదొకటై
తిండికి రుచియై యుండును
ఖండితముగ దీని దెల్పు కవియుంగలడే
జవాబు: వక్క, ఆకు, సున్నము
తముఁదామె వత్తు రర్థులు - చమత్కార పద్యం
తముదామె వత్తు రర్థులు
క్రమమెరిగిన దాత కడకు; రమ్మన్నారా
కమలంబులున్న కొలనికి
భ్రమరంబుల నచ్యుతేంద్ర రఘునాథ నృపా?
అర్థం: ఔదార్యము తెలిసిన దాత వద్దకు అర్థులు తమంత తామే వస్తారు. ఎవరూ పిలవవలసిన పని లేదు. పద్మాలు ఉన్న కొలనుకు తుమ్మెదలు ఎవరూ పిలవరు కదా! (తంజావూరు రఘునాథ రాయల ఆస్థానానికి వచ్చి క్షేత్రయ్య చెప్పిన చాలువగా ప్రసిద్ధం)
