Telugu Malika - దానపరోపకార గుణధన్యత
దానపరోపకార గుణధన్యత చిత్తములోన నెప్పుడున్
లేని వివేక శూన్యునకు లేములు వచ్చిన వేళ సంపదల్
పూనిన వేళ నొక్క సరిపోలును జీకునకర్థరాత్రి యం
దైన నదేమి పట్టపగలైన నదేమియు లేదు భాస్కరా !
అర్థాలు : చిత్తము = మనస్సులో ; వివేకశూన్యుడు = తెలివిలేనివాడు ; లేములు = బీదతనం ;
పూనిన = వచ్చిన , లభించిన; చీకునకు = గుడ్డివానికి
భావం : దానం, పరోపకారం అనే గుణాలు మనస్సులో లేని అవివేకికి పేదరికం వచ్చినా, సంపదలు కలిగినా ఒకే లాగ ఉంటుంది. ఎలాగంటే గుడ్డివాడికి అర్థరాత్రి అయినా , పట్టపగలైనా ఒకటే కదా !(మార్పేమి ఉండదని భావం )
0 comments:
Post a Comment