భాస్కర శతక పద్యం - తాత్పర్యము - కట్టడ లేని
కట్టడ లేనికాలములఁ గాదు శుభం బొరులెంతవారు చే
పట్టిన నైన మర్త్యునకు భాగ్యము రాదను టెల్లఁ గల్ల కా
దెట్టని పల్కినన్ దశరథేశ వశిష్ఠులు రామమూర్తికిన్
బట్టము కట్టఁ గోరి రది పాయక చేకురే నోటు భాస్కరా!
తాత్పర్యము: మనుజునకు దైవానుగ్రహము లేనితఱి నెంతవారు సహాయపడినను ఏ శుభమును కలిసిరాదు. ఏ భాగ్యమును అబ్బదు. అతిసమర్థుడగు దశరథ మహారాజును, మహామునియగు వశిష్టుడును పూనుకొనినను రఘురాముని పట్టాభిషేకము దైవగతి లేనిదే కాఁగలిగెనా?
0 comments:
Post a Comment