భాస్కర శతకము పద్యాలు - ఘనుఁ డగునట్టివాఁడు
ఘనుఁ డగునట్టివాఁడు నిజకార్యసముద్ధరణార్థమై మహిం
బనివడి యల్పమానవునిఁ బ్రార్థనచేయుట తప్పుగాదుగా
యనఘతఁ గృష్ణజన్మమున నావసుదేవుడు మీఁదుటెత్తుగాఁ
గనుఁగొని గాలిగానికడ కాళ్లకు మ్రొక్కఁడె నాఁడు భాస్కరా.
తాత్పర్యం: వసుదేవుఁడు - ఒకానొక చంద్రవంశపురాజు. బలరామకృష్ణుల తండ్రి. కంసుని బావమరది. ఈయన భార్యయగు దేవకీదేవితోఁ గూడ కంసుని చెఱలో నుండఁ గా నీతనికి శ్రీకృష్ణుడు జన్మించెను. అప్పటికే దేవకికి పుట్టిన ఏడుగుర్ని చంపేశాడు.
కంసుడు. కృష్ణునైనను వారు దక్కించుకొనదలచి, వసుదేవుడర్థరాత్రమున ఖైదు వెడలి శ్రీకృష్ణుని తీసికొని పోవుచుండగా నొక గాడిద వానిని చూసి ఓండ్ర పెట్టసాగెను. అందుచే తన రహస్యము బట్టబయలగునేమోనని వసుదేవుడు గాడిదను ప్రార్థించి, తన పనిని నెరవేర్చుకొనెను. కావున, ఎంత గొప్పవాడైనను తన కార్యము నిర్వహించుకొనుటకు నీచుని ప్రార్థించిననూ తప్పులేదు.
0 comments:
Post a Comment