శ్రీ వేమన పద్య సారామృతము - తాను గుడువ లేక తగవేది యాప్తుల
తాను గుడువ లేక తగవేది యాప్తుల
జేర నివ్వడట్టి చెనటి; గోవు
చేనిలోక బొమ్మజేసి కట్టిన యట్లు
విశ్వదాభిరామ వినుర వేమ !
అర్థం: ఒక్కొక్కడు ఎంత కలిమి ఉన్నా తాను అనుభవంచడు. ఎవరికి పెట్టడు. ఇది ఎలా ఉందంటే ఆవు బొమ్మను చేసి చేలో కట్టినట్లుంది.
శ్రీ వేమన పద్య సారామృతము - పూర్వ జన్మమందు పూణ్యంబు సేయని
పూర్వ జన్మమందు పూణ్యంబు సేయని
పాపి ధనము కాశపడుట యెల్ల
విత్తు మరచి గోయ వెదకిన చందంబు
విశ్వదాభిరామ వినుర వేమ!
అర్థం: గతం జన్మలో పూణ్యం చేయని పాపాత్ముడు ధనానికి ఆశపడటం ఎలా ఉందంటే విత్తుడం మరసిపోయి చేనుకోయడానికి వెళ్ళటం లాంటిది.
శ్రీ వేమన పద్య సారామృతము - చమురు గలుగు దివ్వె నరవితో మండును
చమురు గలుగు దివ్వె నరవితో మండును
చమురు లేని దివ్వె సమసిపోవు
తనువు తీరునేని తలపు తోడనె తీరు
విశ్వదాభిరామ వినుర వేమ!
అర్థం: దీపంలో చమురు ఉన్నంత వరకూ మంచి కాంతితో మెరుస్తూ ఉంటుంది. చమురు అయిపోయిన తరువాత ఆ దీపం ఆరిపోతుంది. మృతి చెందిన శవానికి యింక తలంపులేముంటాయి?
శ్రీ వేమన పద్య సారామృతము - భూపతి కృప నమ్మి భూమి జెరుచువాడు
భూపతి కృప నమ్మి భూమి జెరుచువాడు
ప్రజల యుసురు దాకి పడును పిదప
యెగరవేయు బంతి యెందాక నిల్చురా
విశ్వదాభిరామ వినుర వేమ!
అర్థం: ప్రభువు దయను నమ్మి భూమిని పాడుచేసేవాడు ప్రజల ఉసురు తగిలి పతనమైపోతాడు. ఎగరేసిన బంతి పైన ఎంతసేపుండును? 'వెంటనే అది క్రిందికి పడిపోతుంది.
శ్రీ వేమన పద్య సారామృతము - పాప మనగ వేరె పరదేశమున లేదు
పాప మనగ వేరె పరదేశమున లేదు
తనదు కర్మములను దగిలియుండు
కర్మతంత్రి గాక గనుకని యుంటొప్పు
విశ్వదాభిరామ వినుర వేమ!
అర్థం: పాపం అన్నది ఎక్కడో లేదు. అది తను చేసుకున్న కర్మననుసరించియే ఉంటుంది. కుత్సిత కర్మలు చేస్తూ సంబరపడడం కాక మంచి చెడులను చూసి మసలడం మంచిపని.
0 comments:
Post a Comment