శ్రీ వేమన పద్య సారామృతము - వరనారీ దూరగుడై,
వరనారీ దూరగుడై,
పరధనముల కానపడక పరహితచారై,
పరులలిగిన తానలుగక
పరులెన్నగ బ్రతుకువాడు ప్రాజ్ఞుడు వేమా!
అర్థం: పర స్త్రీలకు దూరంగా ఉండి, యితరుల సొమ్ముకు ఆశపడక పరుల మంచిని కోరుతూ, పరులను కోపింపక పరులు ఒకవేళ తనపై అలిగినా తాను కోపం తెచ్చుకోక పరులచేత సెభాష్ అనిపించుకున్నవాడే బుద్ధిమంతుడు.
శ్రీ వేమన పద్య సారామృతము - అజ్ఞానము శూద్రత్వము,
అజ్ఞానము శూద్రత్వము,
సుజ్ఞానము బ్రహ్మమౌట శ్రుతులను వినరా
యజ్ఞాన ముడిగి వాల్మికి
సుజ్ఞానపు బ్రహ్మమొందె జూడర వేమా!
అర్థం: జ్ఞానం లేనివాడే శూద్రుడనబడును. సుజ్ఞానం అనగా బ్రహ్మం. అది శ్రుతుల వినికిడి వల్ల లభ్యం అవుతుంది. కాబట్టి ఓ నరుడా! శ్రుతులను వింటూ వుంటాడు. అజ్ఞానం విడిచి వాల్మీకి మహర్షి సుజ్ఞానవంతుడై బ్రహ్మమును పొందినాడు కదా.
శ్రీ వేమన పద్య సారామృతము - నీళ్ళలోని చేప నెరి మాంస మాశకు
నీళ్ళలోని చేప నెరి మాంస మాశకు
గాల మందు జిక్కి గూలినట్లు
యాశ బుట్టి మనుజు డారీతి జెడిపోవు
విశ్వదాభిరామ వినుర వేమ!
అర్థం: నీటిలో హాయిగా జీవిస్తున్న చేప మాంసమందున్న మక్కువ చేత ఎరను పట్టబోయి గాలానికి చిక్కుకుని చస్తుంది. అలాగే మనుజుడు దురాశతో చెడిపోతున్నాడు.
శ్రీ వేమన పద్య సారామృతము - బొంది యెవరి సొమ్ము పోషింప పలుమారు
బొంది యెవరి సొమ్ము పోషింప పలుమారు
ప్రాణ మెవరి సొమ్ము భక్తి సేయ
ధనము యెవరి సొమ్ము ధర్మమే తనసొమ్ము
విశ్వదాభిరామ వినుర వేమ!
అర్థం: శరీరానికి ఎంత చేసినా చాలదు. ఇంతకీ ఆ శరీరం ఎవరిది? భక్తితో కాలక్షేపం చేసే ప్రాణం ఎవరి సొమ్ము? ఇటువంటప్పుడు ధనం దేని సొమ్ము? ఆలోచించగా ధనం కంటే ధర్మమే ప్రధానం.
శ్రీ వేమన పద్య సారామృతము - నమశివ యనవచ్చు నారాయణనవచ్చు
నమశివ యనవచ్చు నారాయణనవచ్చు
మేలు వారి నమ్మి మెచ్చవచ్చు
కొంగు కాసు విడిచి గొబ్బున నీలేడు
విశ్వదాభిరామ వినుర వేమ!
అర్థం: నమశ్శివాయ అని పంచాక్షరిని జపించవచ్చు. నారాయణ మంత ఉచ్చరించవచ్చు. పుణ్య చరిత్రుల జీవితాలను గురించి తెలుసుకొని, విశ్వసించి వారిని ఎంతగానో శ్లాఘించవచ్చు.
శ్రీ వేమన పద్య సారామృతము - మేడిపండు జూడ మేలిమై యుండును
మేడిపండు జూడ మేలిమై యుండును
పొట్టవిప్పి చూడ పురుగులుండు
బెరుకు వాని మదిని బింకె మీలాగురా
విశ్వదాభిరామ వినుర వేమ!
అర్థం: చూడ్డానికి మేడిపండు ఎంతో బావుంటుంది. కాని దాన్ని విప్పి చూస్తే అన్నీ పురుగులే ఉంటాయి. ఒక్కొక్కప్పుడు ఎన్నో వీరాలాపాలు చేస్తాడు. కాని లోపల మాత్రం అంతా పిరికితనమే. అతడు కనబరిచే బింకం అంతా మేకపోతు గాంభీర్యమే.
0 comments:
Post a Comment