Pages

భాగవతం - ప్రథమ స్కంధము - శ్రీకైవల్య పదంబుఁ

భాగవతం - ప్రథమ స్కంధము - శ్రీకైవల్య పదంబుఁ 
శ్రీకైవల్య పదంబుఁ జేరుటకునై చింతించెదన్, లోక ర 
క్షైకారంభకు, భక్త పాలన కళా సంరంభకున్, దానవో 
ద్రేక స్తంభకుఁ, గేళి లోల విలసద్దృగ్జాల సంభూత నా 
నా కంజాత భవాండ కుంభకు, మహానందాంగనా డింభకున్. 

తాత్పర్యము: అక్షరమైన మోక్ష సంపదను ఆపేక్షించిన నేను ఆనంద స్వరూపిణి అయిన ఆనందగోవుని ఒడిలో అల్లారు ముద్దుగా ఆడుకుంటున్న అందాల బాలుణ్ణి ధ్యానిస్తున్నాను. ఆ యశోదా కిశోరుడు సామాన్యుడు కాడు; ఏ మాత్రం ఏమరు పాటు లేకుండా ఎల్లలోకాలనూ చల్లగా పాలిస్తూ ఉంటాడు. నిరంకుశులైన నిశాచరుల ఔద్ధత్వాన్ని నిర్ములిస్తూ ఉంటాడు. అంతే కాదు. కన్నతల్లి ఒడిలో ఒయ్యారంగా కూర్చున్న ఆ చిన్ని కన్నయ్య ఒక్కమాటు అలా కన్నులెత్తి చూస్తే చాలు, ఎన్నెన్నో బ్రహ్మాండభాండాలు తండోపతండాలుగా ఆ చూపుల్లో రూపులు దిద్దుకుంటాయట. 

0 comments:

Post a Comment

 

Kids Rhymes

Telugu Meanings

జాతీయాలు