భాగవతం - ప్రథమ స్కంధము - శారదనీరదేందు

                                  భాగవతం - ప్రథమ స్కంధము - శారదనీరదేందు  

శారదనీరదేందు ఘనసార పటీర మరాళ మల్లికా 

హార తుషార ఫేన రజతాచల కాశ ఫణీశ కుంద మం 

దార సుధాపయోనిధి సితతామర సామర వాహినీ శుభా 

కారత నొప్పు నిన్ను మదిఁగానఁగ నెన్నడు గల్గు భారతీ!

తాత్పర్యం : తల్లీ! భారతీ! తెల్లవి కాంతులు వెల్లివిరిసే శరన్మేఘకదంబమూ, శారదచంద్రబింబమూ, పచ్చకర్పూరమూ, పటీరమూ, రాజహంసలూ, జాజిచెండ్లూ, నీహారమూ, డిండీరమూ, వెండికొండా, రెల్లుపూలూ, ఆదిశేషుడూ, మల్లెలూ, మందారాలూ, పాలసముద్రమూ, పూచిన పుండరీకాలు, ఆకాశగంగా - ఇవన్నీ నీ శుభాకారానికి ఉజ్జ్వలమైన ఉపమానాలు, అటువంటి స్వచ్ఛ ధవళ సుందరమూర్తివైన నిన్ను కన్నులారా మనసుదీరా ఎన్నడు దర్శింపగలుగుతానో గదా!