Bhaskara Satakam Padyalu - Uraka sajjanum

భాస్కర శతక పద్యం - ఊరక సజ్జనుం 

ఊరక సజ్జనుం డొదిగి యుండిన నైన దురాత్మకుండు ని 

ష్కారణ మోర్వ లేక యపకారము చేయుట వానివిద్య గా 

చీరలు నూఱుటంకములు చేసెడి వైనను బెట్టె నుండఁగా 

జేరి చినింగిపోఁ  గొఱుకు చిమ్మట కేమి ఫలంబు భాస్కరా!

తాత్పర్యము : సజ్జనుడు తొలగి యెంత మిన్నకుండినను దుర్జనుఁడోర్వలేమిచే వానికి కీడు ఒనర్చును. నిష్కారణముగా పెట్టెలోని బట్టలను కొరికి చింపెడు చిమటపురుగున కేమి లాభముండును?